تابع المقال السابق
خد عندك ياسيدي الولد حيقولى تعالى اتفرج علي حاقوله امشي يالا وانا فاضيلك انا عندي شغل روح خللي أمك هي اللي تتفرج عليك بدل ما اخللى امة لا اله الا الله هي اللى تتفرج عليك وانا ناقص فرجة مش كفاية اللي باشوفه في الشغل وطبعا ولا حياخد ايدي ولا حيشدني معاه ولا حيبقى في اكبر ولا اقوى حضن في التاريخ وبعدين ايه اكبر حضن في التاريخ دى هو انا باجيب الحاجات دي منين وبعدين اول ما حيكسر الطبق اياه حاقوله نهارك مش فايت انت عارف الطبق ده بكم ده ممضي من يوليوس قيصر طب حتدفعه من مصروفك عشان تتحمل المسئولية ده لو انا باديله مصروف اصلا وموضوع تحمل المسئولية ده هو اللى حابقى فاكره من نظريات وكتب ودورات التربية اللى اتعلمتها قال خللي بالك المرة الجاية قال وطبعا انا متوقع ان الولد حيكون بيحبنى جدا جدا جدا هو في اب حيبقى بيعمل لابنه نصف اللى باعملهوله
سلام بقى دلوقتى الا انا بانام
